ሰራተኞችን በማትጋት ከፍተኛ ውጤት እንዲያስመዘግቡ ማድረግ:- ሰራተኞችን ሊያተጉ የሚችሉ ስልቶችንና ስልጠናዎችን በማዘጋጀት ግንዛቤ እንዲያገኙ ማድረግ፤ ከፍተኛ ውጤት ያስመዘገቡትን ሠራተኞች በመለየት ማትጊያ እንዲሰጣቸው ለሚመለከተው ማቅረብ፣ አደረጃጀትን በአዲስ መልክ በማዋቀር የለውጥ ሠራዊት በዳይሬክቶሬቱ ማፍራት በቲሞች ውስጥ ሥራን በመገምገምና ክፍተትን በመለየት ያልበቁ ፈጻሚዎችን የማብቃት ሥራ መስራት፣ዕቅድን በአግባቡ ማቀድና ተግባራዊነቱን ክትትልና ድጋፍ ማድረግ፣ ሣምንታዊ የክንውን ሪፖርትን ማዘጋጀት፣ በቲም የተደራጀውን የለውጥ ሰራዊት በማጠናከር ግንባር ቀደሞችን የመለየት ሥራ  መስራት፣ በቲም ውስጥ በቡድን የመስራት ባህልን ማዳበር፣ የጡረታ መለያ ቁጥር የሌላቸውን በመለየት ቁጥርና ዐቅል ካርድ እንዲኖራቸው ማድረግ

ቁጥር የሌላቸውን የፅ/ቤቱ ሠራተኞችና ተሿሚዎች መለየትና ቁጥር እንዲኖራቸው አስፈላጊ የሆኑ የጡረታ ቅጽ በማስሞላት ከሚመለከተው ተቋም ጋር በመጻጻፍ ቁጥር እንዲያገኙ ማድረግ፣ የጡረታ መለያ ቁጥር ያላቸውን ሠራተኞች የዐቅል ካርድ ከኤጀንሲው እንዲያገኙ  ማድረግ፣

የአገልግሎት ማቋረጥ ጥያቄን ተቀብሎ ማስተናገድ:- በተለያየ ምክንያት ማለትም በጡረታ፣ በሞት፣ በገዛ ፍቃድ፣ በዝውውር ሥራ በመልቀቅ እንዲሁም በህመም ምክንያት የአገልግሎት ማቋረጥ ጥያቄ ሲቀርብ ደንብና መመሪያው በሚፈቅደው መሰረት ተፈጻሚ ማድረግ፣

በአገልግሎት አሰጣጥ ላይ ጥራትና ቅልጥፍናን ማሳደግ:- የመረጃ  አሰባሰብ አያያዝና አደረጃጀት ተግባራዊ ማድረግ፣ የፐርሶኔል መረጃን በተገቢው መልኩ  ማደራጀት፣ ወደ መ/ቤቱ ተዛውረው የሚመጡ ተሿሚና  የሰራተኞች ፋይል ካለበት ማስመጣትና በሚመለከተው የሥራ ሂደት እንዲደራጅ ማድረግ፣  መረጃዎችን ሙሉ በሙሉ ለአጠቃቀም በሚመች መንገድ ኮምፒውተራይዝ ማድረግ፣

የአቅም ግንባታ ስልጠናዎችን በመስጠት የአፈጻጸም ክህሎት ማሰደግ:- ለመ/ቤቱ ሠራተኞች፣ ለታችኛው መዋቅርና አስፈላጊ በሆኑ በአሰራር ማንዋሎች ላይ ግንዛቤ እንዲያገኙ ስልጠና መስጠት፣ መሠረት በዓመት ሁለት ጊዜ ቼክሊስት በማዘጋጀት መደገፍ፣ በተደረገው ድጋፍ መሠረት ፊትና ኋላ የወጡትን በመለየት ግብረ-መልስና እውቅና መስጠት፣